هذا نصيبي خاطرة

هذا نصيبي...!!!
كل ماجيت أسألك عن سر دمعاتك بكيت
ماقدرت أشوف عينك بالمدامع تختنق !



لاتجاملني وتضحك .. واضحه لوما حكيت

لاتصور لي حكايه من فراغ وتختلق



كل مافيك يتكلم حتى في صمتك لقيت
أن سهم البعد نافذ وابتدينا نفترق !



ويش أقول لدمع عينك والقصور اللي بنيت؟

وكيف أصبر قلبي اللي بين أيديك ويحترق؟




أدري انه غصب عنك وأدري انك مانويت
و أدري انه في زمنا حتى (حلمك) ينسرق !!



بس لاتبكي طلبتك وسوى نفسك مادريت
والا انا حظي وأعرفه .. مع زماني متفق



لابغيت أفرح ثواني قلت .. ليت وليت ليت !!ليتني...؟ وباقي كلامي وسط صدري يختنق



أمسح دموعك فديتك وأبتسم لامن طريت
وجيت في بالك وقل لي (( كان لازم نفترق))


الموضوعالأصلي : هذا نصيبي خاطره   المصدر : sheekamool.ahlamontada.com


المصدر : منتديات شيكامول: http://sheekamool.ahlamontada.com/t3839-topic#ixzz1xfCzaJaE

يأرب يعجبكم